قصة حفلة الهالوين
قصة حفلة الهالوين.. الموضوع طلع بجد يا علي، هنموت يا عللللي
انا نور محروس من مواليد شبرا مصر، ولكن حاليًا عايش في امريكا تحديدًا لوس انجلوس انا وعلي ابن صاحب ابويا المقرب من وهما صغيرين وعلي ده انا بعتبرة اخويا الوحيد وده نظرًا اني الابن الوحيد لابويا فماكنش ليا في الدنيا دي غير علي صاحبي، اللي زي ماتقولو كده لا بلاد بره ولا اي حاجه اثرو فينا ولسه محتفظين بلغة بلدنا بنتكلم بيها وعادتها، عدت الايام والسنين وكانت معارفنا قليلة في لوس انجلوس لدرجة انهم كانو بيسمونا في المدرسة (المنبوذين) وده لاننا مش بنكلم حد غير ستيڤين وكارلا وحفاظنا علي عادتنا وتقالدنيا المصرية الاصيلة، ودايمًا مع بعض وشبة منطوين لحد دخولنا الجامعة اللي بردو دخلناها مع بعض فدخلنا كلية بروكلين بنيويورك فده خلانا اننا ناخد سكن هناك وطبعًا والدينا ممانعوش بذات ان في بيت كان لخالي قريب من الجامعة فخدناه نقعد في، المهم عدت اول الايام ويمكن الاسابيع في الجامعة وكان الهالوين قرب جدًا فقولت لعلي
-بقولك ايه يا علي عايزين نخرج السنادي في الهالوين، احنا في بلد الرعب ياعم، ده الهالوين هنا حاجه تانيه…
-بقولك ايه يا نور احنا جايين ندرس وبس، وبعدين احنا اتعودنا نحتفل في في البيت او نمتشي شوية بس…
-ياعم ما ده اللي هيحصل، هنتمشي شوية بس بعيد حبتين عن السنين اللي فاتت انت بس اتحرك كده ويالا…
-بقولك ايه يا نور انا مش عايز مشاكل احنا منعرفش حد هنا، لكن في لوس انجلوس كنا بنخرج مع ستيفن او كارلا، هنا هنخرج مع مين..
-اتصدق عيب وانا روحت فين ، ده احنا في اللفة مع بعض..
-يانور انا مش قصدي كده، انا بس اقصد اننا نقعد في بيتنا باحترامنا..
بصتلة بقرف وقولتله…
-ده انت عيل كئيب يااخي يخربيتك…
سابني ومشي، راح وهو ماشي قالي…
-انا داخل انام بلا هالوين بلا بتاع…
رميت عليه المخده ومسكت ريموت التلفزيون وقولتله…
-اهو انت طول عمرك بومة كده، هتفرج لايڤ علي اللي بيحصل في الشارع يا بومة…
-طب بكرة ابقا صحيني الساعة 9 متنساش..
بعدها سابني وقعدت اتفرج علي التلفزيون ويدوبك روحت في نوم الا ولقيت الباب عمال يخبط من غير ما اي حد يتكلم فقولتله من بره…
-مفيش حاجه حلوه هنااا…
بس بردو الباب كان عمال يخبط… خبط ايد علي ايد وقولت..
-لا ده انت عيل غتت بقا..
قومت
متعصب وشديت الباب وزعقت…
-مش قولت مفيش حاجه حلوه…
لكن ماكنش في اي حد علي الباب، رزعت الباب وانا متعصب لكن وانا برزع الباب لاحظت ورقة بتطير… فضلت واقف للحظات مش بتحرك لغاية ماجمعت وقولت اما افتح الباب اشوف ايه ده… فعلا فتحت الباب ولقيت ورقة واقعة علي اول عتبة علي السلم، فتحت الورقة كان مكتوب فيها كالاتي(انا صديقك زاك، ارجوك تقبل مني دعوتي لحفلة الهالويين الخاصة بيا، الحفلة هتكون الساعة 12 بالدقيقة يعني بعد نص ساعة من دلوقتي…. زاك..)
الرسالة خلثت علي كده وكان مكتوب العنوان تحت…
انا ميتغربتش ان في حد عبرنا ودعانا لحفلة علي قد ماستغربت ان حد.باعت دعوة برسالة في ورقة، صراحة كنت مقلق من الموضوع بس قولت اما اصحي الواد علي… اول ما طلعتلة فضلت اقوله…
يا علي، قوم يا علي ، بقولك قوم….
-ايه ياعم هي الساعة لحقت جت 9، سيبني انام شوية وحياة امك لمياااء…
-قولتلك مية مره ياعلي متجبش سيرة امي لمياء..
-طيب طيب بكره نشوف الكلام ده..
-ياعم قوووم في واحد عظمنا علي حفلة…لقيتة اتنفض من مكانة وقالي..
-عزم مين عزمنا احنا؟
-ايوه ياعم قوم….
-بقولك ايه مش وقت هزار انا من ساعة ما جيينا ام المخروبة امريكا دي محدش عبرنا ولا نعرف حد حتي اللي نعرفهم علي الله حكايتهم…
-ياعم خد الجواب اهو…
لقيته شد الجوب من ايدي وقرأ اللي في وقالي…
-باينلة الموضوع بجد ولا ايه… يالا نروح ياعم… ولا اقولك لالالا انا مش مرتاح، من امتي رجعو يبعو دعوات في جوابات ياعم .. لالالالا انا مش مرتاح للحوار ده ياعم…
بصتلة باستغراب وقولتله..
-انت عبيط ولا ايه ياعم، بقولك ايه انا هروح الحفلة دي بيك من غيرك هروح، ده انت عيل بومة بجد.
سيبتة ومشيت روحت اوضتي اغير لقيته جري وراية وقالي…
-خلاص ياعم انت بتقفش كده ليه يانور ياخويا هاجي معاك..
-طب يالا انجز نفسك فات ربع ساعة في الحوار ده يعني المفروض ربع ساعة ونبقا هناك…
لبسنا ونزلنا وكتبنا العنوان علي ال gbs المكان كان في حته ريفية شوية مقطوعة وكان المكان كئيب ومظلم جدًا، فضحكت وقولت لعلي…
-بقولك ايه يا علي هالوين هالوين يعني ياخويا…
-هالوين ايه ياعم انا مقلق اوي من الموضوع ده احنا فين يعني بقال 6 سنين هنا ويوم ماحد يعزمنا يروح عازمنا في حتة مقطوعة زي دي… لالالا انا مش مطمن..
بصتلة بقرف كده راح قالي…
-ايوه ياعم انا بومة…
ابتسمت وقولتله..
-طب كويس انك عارف..
بعدها وصلنا البيت اللي خليني اقولكو انه ماكنش باينلة ملامح من الضباب او الشبورة اللي في المكان الغريب دي، لقيت علي بيقولي…
-بقولك ايه انا مش مرتاح للحوار ده يلا نروح..
-نروح ايه ياعم انا قتيل اللحظة دي وربنا، ده انا مستنيها من زمان…
بعدها زقني وقالي…
-طب خبط انت علي الباب وربنا ما هخبط انا…
خبط علي الباب فعلًا وشاب زينا فتحلنا الباب كان متنكر في لبس الهالوين سلمت عليه وكلمته انجلش طبعًا لكني هترجملكو، قولتلها..
-اهلًا بيك انا…
ملحقتش اكمل الجملة الا وقالي…
-نور وعلي، اهلا بيكو زاك مبسوط جدًا بوجودكو..
بصتله وقولتله…
-زاك!!… امال فين زاك…
-انا هو زاك بنفسه..
غمزت لعلي وقولتله….
-باينلها ليلة مهببة ياعلي…
-مش قولتلك نروح انا قولتلك انا قولتلك…
لقيت زاك ده قاطعنا وقالنا….
-انا قررت ادعوكو لاسباب كتيرة اولها انكو هاديين منطويين زي الميتين تمام..
كشمتله وقولتله…
-انت بتشبهنا بالميتين!!.. انت عبيط.
لقيته ابتسم وقالي….
-لالالا مقصدش، اقصد ان الميتين بيبقو زيكو كده موجودين حاولينا بس مبيتكلموش كتير وقليلين الكلام وكده…
مسكتة من رقبته وقولتله..
-اه لا انت عبيط بقا وكده… انا من شبرا يالا…
لقيته زق ايدي وعدل هدومه وهو بيقولي..
-اهدي بس نور، خشو اشربولكو كاسين ولا اي حاجه الحفلة هتعجبكو كتييير… يمكن تفضلو مشرفينا
لقيت علي قالي..
-يلا نمشي يا نور من هنا انا مقلق من الموضوع ده
ومش مطمن له….
-ياعلي متبقاش قفيل بقا، تعالي نجربلنا كاسين ولا حاجه في ام الليلة السودة دي.
-هنشوف اللي هيحصل في ام الليلة السودة دي…
اول مادخلنا شوفنا الناس كان شكلهم غريب جدًا كانو شبة الميتين بظبط لدرجة اننا انبهرنا من المكياچ اللي اخليني افكركو اننا الصا مكنوش رايحين بأي لبس هالوين ولا اي حاجه، لكنتا شربنا كاسين وكنا اول مره نشرب فقولت لعلي…
-بقولك ايه ياض ياعلي دي شكلها هتحلو، ده المكياچ بتاعهم زي الحقيقي بظبط…
لقيت علي بصلي بخوف وقالي…
-يا نور انا مش مطمن الحاجات دي شكلها حقيقية انا حاسس بده…
ضحكت وقولتله…
قصة حفلة الهالوين
-حقيقية ايه يا مجنون، انت شكل دماغك خفيفه وسكرت من اول كاسين كده..
لقيته مسك في دراعي وقالي…
-واقسم بالله زي مابقولك انا متأكد ان شكلهم حقيقي…
سيبته وقولتله…
قصة حفلة الهالوين
-بقولك ايه انا هطلع فوق اغسل وشي كده عشان افوق، متقفلنيش…… اول ماطلعت فوق لقيت البيت شبة متهالك شوية والماية كانت عمالة تنقط من السقف، دورت علي الحمام ودخلت غسلت وشي فابتديت الاحظ انفاس او ريحة كريهة جدًا كانت ورا ضهري بحركة تلقائية جدًا بصيت ورا ضهري لقيت شخص من الاشخاص الغريبة دول واقف ورا ضهري وكان شكله مرعب تمامًا، بدأت اتوتر بذات اني كنت فوقت من الزفت اللي شربتة ده، اتحركت من قدامة لاحظت انه بيتحرك علي تحركاتي وانه اصلا اعمي، وقف وكان عمال يشمشم فيا وانا عمال اقول…..
-يارب يارب…
فضلت ثابت كده للحظات مش بتحرك ولا بعمل اي حاجه لغاية ما لقيت علي طلعلي وهو بيجري عليا وبيقولي…
-يالا يا نور، اجري يااااض دول طلعو بجد…
علي جه زق المسخ اللي كان قدامي ده وجريت وراه نطينا من الشباك اللي ورا وفضلنا نجري واحنا مش عارفين احنا رايحين فين ولا ايه اللي جابنا هنا، بعد كده وقفنا في مكان كنا فاكرينة مزرعة نستريح فيها شوية بعدها قولت لعلي…
-دول طلعو ميتين بجد ولا مسوخ دول ولا معرفس اسمهم ايه، بس ده طلع بجد زي الافلام…
-انا قولتلك يا نور اليوم ده مش هيعدي علي خير، هنعمل ايه دلوقتي وعربيتنا وحاجتنا كلها في البيت الملعون ده…
-ولا اي حاجه هنقعد هنا للصبح ونرجع البيت. ده وناخد حاجتنا، الميتين بيطلعو بليل مش الصبح….
انا مش مطمن يا نور، انا فاكر اني قرأت اسطورة ان في ليلة الهالوين بيتم دعوة اشخاص منطوين لحفلة في منتصف الليل ويا بيموتو يا بيعيشو لو صمدو للفجر…
قصة حفلة الهالوين
-يالهوي عليك انت لسه جي تقولي دلوقتي…
-مانا ماكنتش اعرف ان الموضوع بجد…
-والموضوع طلع بجد يا علي، هنموت يا عللللي.
-ياعم انت اقرأ من الانجيل وانا من القرأن عشان الليلة دي تعدي علي خير انا جتتي ملبشة وفاضل نص ساعة علي الفجر، لكن ازاي النص ساعة دي تعدي علي خير نتحرق صح، جيت الف في المكان اشوف ايه ده نظرًا للضباب الشديد اللي موجود لقيت صخور كتير علي الارض جيت اتفحص صخرة منهم لقيت مكتوب عليها(داني، سنة الوفاة 2015)معني كده اننا في مقاااابر، الصدمة تخلص علي كده لااااااا مش ممكن، في لحظة سمعت صرخة من علي وهو بيستنجندي وبيقول…
-يا نووور، الحقني يا نوووور..
جريت علي الصوت لقيت مجموعة من الهياكل العظمية مسكي علي ومكتفاة وفي منهم اللي بينهشو في لحمة حاولت افكه لكني مقدرتش، فضلت افك افك في لكني بردو مقدرتش، لقيت علي صرخ وقالي….
-اجري انت يا نور في جيش جي وراك…
لكن معدتش اللحظات اللي وشروق الشمس طلع وكانت الصرخات بتطلع من المكان والهياكل العظمية دي اول مابتلمسها الشمس بيتم تحويلها لتراب وبالفعل رجعنا البيت الغريب ده اللي اكتشفنا انه مهجور من سنين وان المنطقة دي منطقة مقابر ومحدش بيهوبلها نهائيّا وطبعًا حكينا اللي حصل ده ومحدش صدقني، لكنها كانت حفلة هالوين مثيرة، والاولي والاخيرة لينا….
قصة حفلة الهالوين
Andrew Sherif
